Уругвай терма жамоаси бош мураббийи Оскар Табарес Францияга қарши ўйиндан сўнг фикрларини билдириб ўтди.

“Рақиб жамоа сингари яхши ўйнай олмадик. Ҳар доим мағлубиятни шундай қабул қиламан. “Биз” деганимда жамоани назарда тутаман.

Биз ҳисобни тенглаштириш учун бор кучимизни сарфладик. Бироқ, гол уриш ўрнига гол ўтказиб юбордик. Ўзгаришлар ўйинга унчалик таъсирини ўтказмади. Таън оламан улар кучли ўйнашди.

Биз учун жаҳон чемпионати тугади. Энди,  Америка кубокига тайёрланамиз. Биздан олдин кўплаб терма жамоалар Россияни тарк этишди.

Мағлубият аламли бўлади лекин, бу туйғуни енгиш лозим.  Кичик деталлар ҳам ўйин натижасини ўзгартириб юбориши мумкин”, - дейди Табарес.