Англия терма жамоаси бош мураббийи Гарет Саутгейт ЖЧ яримфиналида Хорватиядан учралган мағлубиятдан сўнг (1:2) фикрларини билдирди.

- Биринчи бўлимни аъло даражада ўтказдик. Тўпни назорат қилганимиздан мамнунман. Вазиятлардан фойдаланиб иккинчи голни уришимиз керак эди. Иккинчи бўлимда узоқ вақт босимга чидашимизга тўғри келди. Экстра тайм тенг бўлди, аммо хорватлар хавфлироқ бўлишди, уларда кучли ўйинчилар бор. Охирида улар ўз имкониятларидан фойдалана олдилар, биз эса жавоб беролмадик. Уларга энг яхши тилакларим. Улар ақлбовар қилмас йўлни босиб ўтдилар, уларда жуда иқтидорли ва тажрибали ўйинчилар бор.

- Сизларда яна бир ўйин бор. У сизлар учун қандай аҳамиятга эга? Балки ўринбосарлар ўйнар?

- Тўғрисини айтсам, бу ҳеч ким ўйнашни хоҳламаётган ўйин. Ҳар доим футболкани кийсак, ғалаба қозонишни истаймиз. Аммо яқин 24 соат ичида ҳаммани текшириб, ўйинга шайлаб бўлмайди", - дейди Саутгейт.