Англиялик таниқли мураббийи Ҳарри Реднапп ЖЧ-2018 яримфиналида Англия ва Хорватия ўртасидаги учрашув ҳақида фикр билдирди.
"Триппьернинг эрта голидан сўнг финалга чиқишимизга ишонгандим. Аммо иккинчи бўлимда ҳаммаси ўзгариб кетди, Хорватия кучлироқ ўйнади, Англия эса ортга қайтди ва Перишичдан гол ўтказиб юборди.
Бу вазиятда Уокерга нисбатан қоида бузилди, деганларга қўшилмайман, гол тоза бўлди. Англия ғалабани Ховатияга ўзи бериб қўйди.
Модрични алоҳида таъкидлайман, у билан "Тоттенҳэм"да бир неча йил ишлаганман. Фантастик футболчи ва ЖЧнинг энг яхши ўйинчиси номига давогар.
Англия билан ўйигача уни "Олтин тўп" учун бош номзод деб ҳисоблаганман, нди янада кўпроқ ишонаман.
Англия учун Модричга ўхшаганини мамлакат ичида излаш керак. Англияда унинг савиясидаги марказий яримҳимоячи бўлмас экан, футбол ўз ватанига қайтмайди", - дейди Реднапп.
