Ўзбекистон Республикаси Президентининг ПҚ-3610-сонли “Футболни янада ривожлантириш чора-тадбирлари тўғрисида”ги қарорига асосан ташкил қилинган ҳудудий болалар ва ўсмирлар футбол академияларига қабулнинг биринчи босқичи 1 июль куни бошлангани хақида аввал хабар бериб ўтган эдик.
Қашкадарё вилоятидаги болалар ва ўсмирлар футбол академиясида 2004 йилда туғилган болалар ўртасида кўрик-танлов якунланди.
1-босқичда синовлари фақатгина футбол ўйинидан иборат бўлиб, болалар жамоаларга бўлинган ҳолатда футбол ўйнашди. Футболчилар бевосита ўйин давомида ўз иқтидорларини намойиш қилиб, нималарга қодир эканликларини исботлашга ҳаракат қилишди. Мураббийлар томонидан танлаб олинган иқтидори бор болалар, 2-босқичда иштирок этишади.
Ҳудудий болалар ва ўсмирлар футбол академияларига қабул жараёнининг 2-босқичи 1 августдан бошланади.
