O‘zbekiston Respublikasi Prezidentining PQ-3610-sonli “Futbolni yanada rivojlantirish chora-tadbirlari to‘g‘risida”gi qaroriga asosan tashkil qilingan hududiy bolalar va o‘smirlar futbol akademiyalariga qabulning birinchi bosqichi 1 iyul kuni boshlangani xaqida avval xabar berib o‘tgan edik.
Qashkadaryo viloyatidagi bolalar va o‘smirlar futbol akademiyasida 2004 yilda tug‘ilgan bolalar o‘rtasida ko‘rik-tanlov yakunlandi.
1-bosqichda sinovlari faqatgina futbol o‘yinidan iborat bo‘lib, bolalar jamoalarga bo‘lingan holatda futbol o‘ynashdi. Futbolchilar bevosita o‘yin davomida o‘z iqtidorlarini namoyish qilib, nimalarga qodir ekanliklarini isbotlashga harakat qilishdi. Murabbiylar tomonidan tanlab olingan iqtidori bor bolalar, 2-bosqichda ishtirok etishadi.
Hududiy bolalar va o‘smirlar futbol akademiyalariga qabul jarayonining 2-bosqichi 1 avgustdan boshlanadi.
