Хорватия терма жамоаси бош мураббийи Златко Далич ЖЧ-2018 финалида Франция термасига қарши ўйин олдидан фикрлари билан ўртоқлашди.
"Ўйинчилар ўртага нима қўйилганини яхши билишади, улар тайёр ёки тайёрмас эканликларини ўзлари айтадилар. Агар улар ўйинга 100 фоиз тайёр бўлмасалар, буни айтадилар, бу мени қониқтиради.
Ҳозир машқ қиладиган нарсамиз йўқ, баъзи ўйинчиларимизда кичик жароҳатлар бор, аммо ишонаманки, улар жангга тайёр бўладилар. Аммо ҳозир биз яхши дам олиб, ўйинга тайёрланишимиз керак.
Ғалаба ёки мағлубият, ҳар қандай ҳолатда ҳам Хорватияда зилзила бўлади. Умид қиламанки, барча 4 миллион киши кўчаларда ғалабани нишонлайдилар, байрам қилиш бўйича Бразилияни ортда қолдирамиз", - дейди Далич.
