Xorvatiya terma jamoasi bosh murabbiyi Zlatko Dalich JCH-2018 finalida Fransiya termasiga qarshi o‘yin oldidan fikrlari bilan o‘rtoqlashdi.

"O‘yinchilar o‘rtaga nima qo‘yilganini yaxshi bilishadi, ular tayyor yoki tayyormas ekanliklarini o‘zlari aytadilar. Agar ular o‘yinga 100 foiz tayyor bo‘lmasalar, buni aytadilar, bu meni qoniqtiradi.

Hozir mashq qiladigan narsamiz yo‘q, ba’zi o‘yinchilarimizda kichik jarohatlar bor, ammo ishonamanki, ular jangga tayyor bo‘ladilar. Ammo hozir biz yaxshi dam olib, o‘yinga tayyorlanishimiz kerak.

G‘alaba yoki mag‘lubiyat, har qanday holatda ham Xorvatiyada zilzila bo‘ladi. Umid qilamanki, barcha 4 million kishi ko‘chalarda g‘alabani nishonlaydilar, bayram qilish bo‘yicha Braziliyani ortda qoldiramiz", - deydi Dalich.