Германия терма жамоасининг собиқ ҳужумчиси, жаҳон чемпионатларида урилган голлар сони бўйича рекордчи Мирослав Клозе Франция термаси ҳужумчиси Килиан Мбаппе ҳақида фикр билдирди.
19 ёшли Мбаппе ЖЧ-2018да 4 та гол урди.
"Мбаппе - жуда техникали ўйинчи, бунинг устига якунлаовчи паллада совуққон. У - ажойиб дриблингчи, тезлики ҳам қойилмақом. Унда дунёнинг энг яхши футболчиси бўлиши учун ҳамма нарса бор.
Уни Пелега ўхсатса бўлади. Пеле ҳам ўсмирлик чоғида жаҳон чемпионатида ўзини кўрсатган эди.
Мбаппенинг бор-йўғи 19 ёшда эканини ҳисобга олсак, у менинг рекордимни янгилаши мумкин. Бунинг учун Франция терма жамоаси максимал равишда кучли бўлиши керак", - дейди Клозе.
