АҚШнинг 2-лигаси иштирокчиси "Лас-Вегас Лайтс" футбол клуби хўжайини Бретт Лэшбрук саккиз карра олимпия чемпиони Усейн Болтни ўз клубига таклиф қилмоқчи.
"Албатта, биз Усейн Болтга қизиқяпмиз. У дунёнинг энг тез одами, энг яхши жамоалар билан машғулот ўтказган. У АҚШ 2-лигасида ўйнай олади. У USLда муваффаққият қозонади деб ўйлайман", дейди Лэшбрук.
Аммо бу келишувга молиявий масала ҳалақит бериши мумкин, Болт "Лас-Вегас"даги ўртача маошдан кўпроқ суммага шартнома имзоламоқчи.
Ҳафта бошида Болт фаолиятини Австралияда бошлаши ҳақида хабарлар тарфалган эди. 31 ёшли спортчи "Сентрал Кост Маринерс"да олти ҳафталик кўрикдан ўтади.
Бундан ташқари Болтга Туркия ва Венгрия клублари қизиқмоқдалар.
