"Нижний Новгород" бош мураббийи Дмитрий Черишев ўғлига "Барселона" қизиқаётганини инкор қилди. Бундай хабарни Don Balon нашри тарқатган эди.
"Тўғрисини айтсам, ҳозир бу қизиқишни фақат матбуотдан биляпман. Мен билан ҳеч ким боғлангани йўқ. Бу хабарни тарқатганлар сариқ матбуот мас, аммо бу мавзуни муҳокама кила олмайман.
Бу томонларнинг қизиқишига боғлиқ. Агар клубларни қониқтирадиган таклиф тушса, ҳар қандай трансфер амалга ошиши мумкин", - дейди футболчининг отаси.
"Реал"нинг 27 ёшли тарбияланувчиси 2016 йилдан буён "Вильярреал"да ўйнаб келмоқда.
Черишев ЖЧ-2018да 5 ўйинда 4 та гол урди.
