Тартиб-интизом Қўмитасининг навбатдаги йиғилиши ўтказилди.
Суперлига
“Қўқон-1912” – АГМК учрашувида ҳакам шаънига номаъқул сўзлар ишлатгани учун майдондан четлатилган АГМК жамоаси дарвозабони Павел Матяш 2 та учрашувга дисквалификация қилинди ва унга 3 миллион сўм миқдорида жарима белгиланди.
“Нефтчи” – “Қизилқум” учрашувида тажовузкор ҳатти-ҳаракатлар амалга оширгани учун майдондан четлатилган “Қизилқум” дарвозабони Евгений Черемисин 2 та учрашувга дисквалификация қилинди ва унга 3 миллион сўм миқдорида жарима белгиланди.
Ёшлар Лигаси
“Насаф” – “Навбаҳор” учрашувида ҳакам шаънига номаъқул сўзлар ишлатгани учун майдондан четлатилган “Навбаҳор” футболчиси Музаффар Абдуллаев 3 та учрашувга дисквалификация қилинди ва унга ярим миллион сўм миқдорида жарима белгиланди.
“Қизилқум” – “Пахтакор” учрашувида рақиб футболчиси шаънига номаъқул сўзлар ишлатгани учун майдондан четлатилган “Қизилқум” жамоаси аъзоси Суҳроб Ярашев 2 та учрашувга дисквалификация қилинди ва унга ярим миллион сўм миқдорида жарима белгиланди.
“Қизилқум” – “Пахтакор” учрашувида рақиб футболчиси шаънига номаъқул сўзлар ишлатгани учун майдондан четлатилган “Пахтакор” ўйинчиси Достон Ибрагимов 3 та учрашувга дисквалификация қилинди ва унга 1 миллион сўм миқдорида жарима белгиланди.
“Қизилқум” – “Пахтакор” учрашувида ҳакамлар ҳаракатларига бир неча бор аралашишга уринган “Пахтакор” жамоаси бош мураббийи Станислав Кудряшов 2 та учрашувга дисквалификация қилинди ва унга 5 миллион сўм миқдорида жарима белгиланди. Агар ушбу ҳолат яна такрорланадиган бўлса, унга нисбатан янада қаттиқроқ жазо чоралари кўрилиши белгилаб қўйилди.
“Металлург” – “Бунёдкор” учрашувида ёрдамчи ҳакам шаънига номаъқул сўзлар ишлатгани учун майдондан четлатилган “Бунёдкор” футболчиси Элдор Адҳамов 3 та учрашувга дисквалификация қилинди ва унга ярим миллион сўм миқдорида жарима белгиланди.
