Айни кунларда Тошкент шаҳрида 15 ёшгача бўлган ўсмирлар ўртасида Марказий Осиё Футбол Ассоциацияси томонидан минтақа чемпионати ўтказилмоқда.
Аввалроқ, Тошкент U-16 ўсмирлар ўртасидаги МОФА чемпионатига ҳам мезбонлик қилган ва ушбу турнир юқори савияда ташкил этилган эди. Айни кунларда эса МОФАга аъзо мамлакатларнинг 15 ёшгача бўлган футболчилардан иборат терма жамоалари навбатдаги мусобақада ғолиблик учун кураш олиб боришмоқда.
Нуфузли мусобақани юқори савияда ташкил этиш ташкилотчилар олдига қўйилган асосий мақсадлардан биридир. Шу боисдан бугун мусобақа ташкилий қўмитаси штаби жойлашган Тошкентдаги Ramada меҳмонхонасида ташкилий қўмита ҳамда мусобақага жалб этилган кўнгилли волонтёрлар иштирокида учрашув бўлиб ўтди. Унда Осиё Футбол Конфедерацияси Халқаро алоқалар департаменти бошлиғи Воҳид Кардани иштирок этди ва мусобақани юқори савияда ташкил этишга ҳиссасини қўшаётган ишчи гуруҳга ОФК номидан миннатдорчилигини билдирди.
Ҳар қандай мусобақанинг юқори савияда ўтиши аввало, ушбу мусобақада ишлаётган ташкилий қўмита ҳамда волонтёрлар меҳнатига боғлиқ. Бугунги кунда дунёда ўтказиладиган ҳар қандай йирик турнир волонтёрларсиз ташкил этилмайди. Улар мусобақада иштирок этувчи жамоалар билан, расмийлар ва бошқа меҳмонлар билан ишлаш, шунингдек, ҳужжатлар билан боғлиқ масалаларда ташкилий қўмитага катта амалий ёрдам кўрсатишади. Буни учрашувда ОФК халқаро алоқалар департаменти бошлиғи Воҳид Кардани ҳам таъкидлаб ўтди.
“Тошкентда ўтказилган биринчи турнир ва айни кунларда ташкил этилган иккинчи мусобақада ҳам ташкилий қўмита аъзолари катта ҳажмдаги ишларни бажаришмоқда. Улар мусобақанинг яхши савияда ўтишида тинмай мехнат қилишмоқда. ОФК ҳамда шахсан ўз номимдан барчага, ташкилий қўмита ва волонтёрларга миннатдорчилик билдираман. Ушбу мусобақа юқори савияда давом этишига ва мухлис-у мутахассисларда янада яхшироқ таассурот уйғотишига ишонаман”, - деди Кардани.
Кейн «Олтин тўп»ни топширган Роналдони бир сўз билан таърифлади [3270]
От изини той босар: ўзбек боксининг ёш авлоди ҳам жаҳонда етакчи! [2348]
Мбаппе хитойликлардан узр сўради [2333]
Мареска "Манчестер Сити" ҳимоячисини мақтади [2121]
Каннаваронинг укаси Ўзбекистон МТЖ сабаб Италия клуби билан шартнома имзолай олмади — ОАВ [1921]
Испанияда "Реал"нинг "Барселона" устидан қозонган ғалабаси аҳамияти баҳоланди [1663]
Ямал бир ҳафта давомида Кейн «Олтин тўп»ни қўлга киритишини ҳис қилган [1574]
"Манчестер Юнайтед" Рэшфорд трансфери бўйича музокаралар олиб бормоқда [1511]
Мбаппе сабаб Ла Лига Хитой билан шартномадан 400 млн евро йўқотиши мумкин [1415]
