"Манчестер Юнайтед" бош мураббийи Жозе Моуриньо трансферлар ойнаси ёпилгунга қадар яна бир ўйинчи сотиб олинса яхши бўлишини айтди.
Португалиялик мутахасис, шунингдек, Англия чемпионатининг бошланиш муддатидан норозилигини айтди.
"Мен кўпроқ ўйинчи сотиб олишни мўлжаллаган эдим. Ҳар мавумлар оралиғида ҳар бир клуб билан шундай бўлади, мураббий кўпроқ ўйинчи сотиб олишни хоҳлайди.
Аммо клуб қарорлари турлича бўлади. Одатда, ўзингиз истаган нарсани ололмайсиз, бу нарса бутун фаолиятим давомида бўлмоқда. Агар трансферлар ойнаси ёпилгунча яна бир ўйинчи сотиб олсам - ҳаммаси жойида бўлади.
Мен трансферлар ойнасининг премьер-лига бошланадиган вақтда ёпилишига хурсандман, аммо премьер-лига бошланадиган муддатдан норозиман.
Италия ва Испанияда ЖЧ-2018да иштирок этган футболчилар жуда кўп, улар кечроқ старт оладилар. АПЛ ҳам шундай қилиши керак эди", - дейди Моуриньо.
