Аввалроқ, португалиялик ҳужумчи Криштиану Роналду ўзининг янги клубига келиб қўшилгани ҳақида хабар берган эдик.
Айни вақтда Роналду “Ювентус” машғулотларида янги мавсумга тайёргарликни бошлаган. Қолган футболчилар, мураббий Массимилиано Аллегри билан бирга эртага МЛС юлдузларига қарши бўлиб ўтадиган ўйинга АҚШда тайёргарликни давом эттиряпти.
Роналду аввал фитнес залида шуғулланди, сўнг майдонда машғулот олиб борди. Машғулот вақтида “Юве”нинг юлдузли таркибидан ташкил топган футболчилар дарвоза устунига тўпни текказиб гол уриш бўйича мусобақалашганлар. Роналду эса бу ишни уддалаб, сўнг тўпни елкаси билан дарвоза тўрига жойлаб қўйган.
