Avvalroq, portugaliyalik hujumchi Krishtianu Ronaldu o‘zining yangi klubiga kelib qo‘shilgani haqida xabar bergan edik.
Ayni vaqtda Ronaldu “Yuventus” mashg‘ulotlarida yangi mavsumga tayyorgarlikni boshlagan. Qolgan futbolchilar, murabbiy Massimiliano Allegri bilan birga ertaga MLS yulduzlariga qarshi bo‘lib o‘tadigan o‘yinga AQSHda tayyorgarlikni davom ettiryapti.
Ronaldu avval fitnes zalida shug‘ullandi, so‘ng maydonda mashg‘ulot olib bordi. Mashg‘ulot vaqtida “Yuve”ning yulduzli tarkibidan tashkil topgan futbolchilar darvoza ustuniga to‘pni tekkazib gol urish bo‘yicha musobaqalashganlar. Ronaldu esa bu ishni uddalab, so‘ng to‘pni yelkasi bilan darvoza to‘riga joylab qo‘ygan.
