«Милан» ярим ҳимоячиси Сусо Испаниянинг Марcа нашрига интервью бериб, суҳбат чоғида актуал мавзулар бўйича фикрларини билдириб ўтди.

***

- Бу таътилллар жуда узоқ чўзилди. Фаолиятимдаги энг узоғи десам ҳам бўлади. Ваҳоланки, жаҳон чемпионатига бормагандим. «МЮ»га қарши дастлабки ўйинимизни ёмон ўтказмадик. «Тоттенхэм» билан яхши ўйнаган бўлсакда, мағлубиятга учрадик. Ҳар ҳолда, ўсиш бор.

***

- Ғалаба қозониш ҳамиша ёқимли, ҳаттоки, мавсумолди йиғинларда ҳам.

«Барселона»га қарши майдонга тушдик. Биз уларни яхши ўрганган эдик. Каталонияликлар сафида жаҳон чемпионатида иштирок этган футболчилар йўқ эди. Лекин «Барса»нинг кучи футболчиларида эмас, балки ўзига хос фалсафасида.

***

- Манчестерликлар дарвозасига урган голим? Рақиб дарвозасини ишғол қилиш ҳамиша ёқимли. Мавсум аввалигача ўзимизни ўнглаб олишимиз керак. Июлда оёқларимиз оғирлашиб қолганди. Италияда жисмоний тайёргарликка катта эътибор қаратишади.

Бу ерга келганимдаёқ фарқни сезганман. Айни пайт биз Испания ва Англиядан фарқли ўлароқ, тактика ва жисмоний тайёргарлик борасида машғулотлар ўтказяпмиз. Тўпсиз машқлар жуда кўп.

***

- Гаттузо футболчиларнинг ҳолати борасида жиддий қайғуради. Бу тайёргарликнинг энг қийин қисмларидан биридир. Мураббийимизда «Милан» ДНКси бор. У ўзимизга бўлган ишончни орттиришимизга ҳаракат қиляпти. Женнаро келганидан сўнг анча кучайдик.

***

- Олдинга интилишим керак, деярли 25 ёшга тўлдим. Голлар ва паслар бериш борасида кўрсаткичларим анча паст. Энди Гаттузо билан кўпроқ ишлашим лозим.

ДАВОМИ

InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.