«Milan» yarim himoyachisi Suso Ispaniyaning Marca nashriga intervyu berib, suhbat chog‘ida aktual mavzular bo‘yicha fikrlarini bildirib o‘tdi.
***
- Bu ta’tilllar juda uzoq cho‘zildi. Faoliyatimdagi eng uzog‘i desam ham bo‘ladi. Vaholanki, jahon chempionatiga bormagandim. «MYU»ga qarshi dastlabki o‘yinimizni yomon o‘tkazmadik. «Tottenxem» bilan yaxshi o‘ynagan bo‘lsakda, mag‘lubiyatga uchradik. Har holda, o‘sish bor.
***
- G‘alaba qozonish hamisha yoqimli, hattoki, mavsumoldi yig‘inlarda ham.
«Barselona»ga qarshi maydonga tushdik. Biz ularni yaxshi o‘rgangan edik. Kataloniyaliklar safida jahon chempionatida ishtirok etgan futbolchilar yo‘q edi. Lekin «Barsa»ning kuchi futbolchilarida emas, balki o‘ziga xos falsafasida.
***
- Manchesterliklar darvozasiga urgan golim? Raqib darvozasini ishg‘ol qilish hamisha yoqimli. Mavsum avvaligacha o‘zimizni o‘nglab olishimiz kerak. Iyulda oyoqlarimiz og‘irlashib qolgandi. Italiyada jismoniy tayyorgarlikka katta e’tibor qaratishadi.
Bu yerga kelganimdayoq farqni sezganman. Ayni payt biz Ispaniya va Angliyadan farqli o‘laroq, taktika va jismoniy tayyorgarlik borasida mashg‘ulotlar o‘tkazyapmiz. To‘psiz mashqlar juda ko‘p.
***
- Gattuzo futbolchilarning holati borasida jiddiy qayg‘uradi. Bu tayyorgarlikning eng qiyin qismlaridan biridir. Murabbiyimizda «Milan» DNKsi bor. U o‘zimizga bo‘lgan ishonchni orttirishimizga harakat qilyapti. Jennaro kelganidan so‘ng ancha kuchaydik.
***
- Oldinga intilishim kerak, deyarli 25 yoshga to‘ldim. Gollar va paslar berish borasida ko‘rsatkichlarim ancha past. Endi Gattuzo bilan ko‘proq ishlashim lozim.
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
