"Реал" дарвозабони Кейлор Навас "Манчестер Сити"га ўтиши мумкин, дея хабар беради AS.
Манбага кўра, манчестерликлар раҳбарияти жамоа дарвозабони Клаудио Бравонинг жароҳатидан сўнг "Реал"нинг 31 ёшли дарвозабонига қизиқиш билдирмоқда. Эслатиб ўтамиз, чилилик посбон 20 август куни товонидан жароҳат олган эди.
Қоидаларга кўра, футболчиларнинг оғир жароҳатлари сабабли трансферлар ойнаси ёпилганидан сўнг ҳам бошқа футболчи сотиб олиниши мумкин. Англияда трансферлар бозори 9 август куни ёпилган.
Наваснинг "Реал" билан шартномаси 2021 йилгача тузилган. У 3 йил давомида мадридликларнинг асосий дарвозабони бўлди. Энди "Реал" "Челси"дан Тибо Куртуани сотиб олди ва шунинг учун Навасни Англияга қўйиб юбориши мумкин.
