Италия чемпионати 3-тур “Парма” ва “Ювентус” учрашуви якунланди. Ўйин мехмонларинг ғалабаси билан якунланди.

Учрашувнинг 2-дақиқасида “Юве” футболчиси Манжукич тезкор гол киритиб “зебраларни” олдинга олиб чиқди.

Ўйиннинг 33-дақиқасида мезбонларнинг янги футболчиси Жервиньо ҳисобни тенглаштирди. Футболчи қанотдан узатилган тўпни дарвозага йўллаб қўйди. Шу тариқа футболчилар танаффусга чиқиб кетишди.

Иккинчи бўлимни икки жамоа ҳам ҳужумкор бошлади. Ўйиннинг 58-дақиқасида Манжукичнинг заргарона пасидан сўнг Матюиди мехмонларни олдинга олиб чиқди. Учрашув сўнгига қадар ушбу ҳисоб ўзгармай қолди. “Ювентус” катта умидлар билан сотиб олган футболчиси Криштиану Роналду яна майдонни голсиз тарк этди.

Италия чемпионати, 3-тур.

Парма – Ювентус 1:2 (1:1, 0:1)

Голлар: 0:1 – 2 Манджукич, 1:1 – 33 Жервиньо, 1:2 – 58 Матюиди.

Парма – Сепе, Бруну Алвеш, Гобби, Якопони, Гальоло, Барилла, Штулац, Ди Гаудио (Чераволо, 80), Ригони (Дейола, 60), Жервиньо (да Крус, 61), Инглезе.

Ювентус – Шченсни, Кьеллини, Бонуччи, Алекс Сандро, Хедира (Дибала, 80), Куадрадо, Матюиди, Пьянич (Джан, 73), Бернардески (Дуглас Коста, 55), Роналду, Манжукич.

Огоҳлантиишлар: Пьянич (13), Бернардески (40), Ригони (45), Куадрадо (90).