Украина терма жамоаси бош мураббийи Андрей Шевченко Миллатлар кубогида Чехияга қарши ўйиндан сўнг (2:0) чехиялик полициячилар ва украиналик ишқибозлар ўртасидаши муштлашувга аралашди.
Финал ҳуштагидан сўнг бир нечта укриан ишқибозлари майдонга югуриб тушишмоқчи бўлишди ва полиция уларни куч билан тўхтатди. Полиция бир нечта ишқибозни қўлга олди, қолганлар трибуналарга қайтиб, ўриндиқларни синдирдилар. Шевченко мухлисларни тинчлантирмоқчи бўлди ва бир полциянинг қўлига тушиб қолди.
"Келинг, вазиятда фожиа ясамайлик, менда ҳаммаси яхши. Менимча кимдир тўсиқ устига йиқилган, полиция бунга эътибор қаратган, уларни тушунаман. Мен уларни тўхатаиб, вазиятни юмшатмоқчи бўлдим. Умид қиламанки, уларни қўйиб юборишади ва ҳаммаси яхши бўлади", - дейди Шевченко.
