Про лига 3 - давра баҳсларини бироз муваффақиятсиз бошлаган Термизнинг "Сурхон" жамоаси мураббийлар штабида ўзгариш рўй берди. Шу кунгача жамоани бошқариб келган Игорь Анатолиевич Шквырин оилавий муаммолар сабаб жамоамизни тарк этди. Игорь Анатолиевич "Сурхон" жамоасига омад тиладилар ва келаси йили жамоани чин дилдан Супер лигага чиқишида омад тиладилар. Биз ҳам ўз ўрнида Игорь Анатолиевичга ўз миннатдорчилигимизни билдирамиз. Албатта, ҳар бир жамиятда "Оила" муқаддас саналади. "Сурхон" ПФК жамоаси Игорь Анатолиевич оиласига мустаҳкам соғлик тилаймиз.
Шунингдек, биринчи даврада "Сурхон" жамоасида ёрдамчи мураббий сифатида ишлаган Рифат Акрамхўжаев эса жамоанинг янги бош мураббийи этиб тайинланди. Унга Икром Ибрагимов ва Абдумажит Таировлар яқиндан ёрдам берадилар.
Ишонамизки, Рифат Акрамхўжаев кўп сонли Сурхон халқи орзуқиб кутаётган "Супер лига"ни жамоамизга тақдим этадилар.
"Сурхон" ПФК матбуот хизмати
