Ўзбекистон – Эрон ўйини олдидан бугун Тошкент шаҳридаги “Интерконтинентал” меҳмонхонасида ҳар икки жамоа аъзолари иштирокида матбуот анжумани ўтказиляпти.
Айни вақтда Stadion.uz журналисти Акмалхон Эшонхонов матбуот анжуманида Эрон терма жамоаси ярим ҳимоячиси Маъсуд Шожаининг билдирган фикрларини сизларга еткизмоқда.
“Карлуш Кейруш терма жамоамизга келгач, жамоамизнинг ўйини кучайди ва дунёда мавқеи ошди.
Шу сабаб ҳам 7 йилдан бери жамоамизда ишлаб келмоқда. Бунинг учун биз ундан жуда ҳам миннатдормиз. Биз уни бошқа терма жамоага қўйиб юбормаймиз”, дейди Шожаи.
