Рио Олимпиадаси чемпиони, бугунги кунда профессионал боксда фаолият олиб бораётган ҳамюртимиз Фазлиддин Ғойибназаров 20 октябрь куни ўзининг навбатдаги жангини ўтказади.

Шу куни  ҳамюртимизга Америка Қўшма Штатлари боксчиси Уилберт Лопес рақиблик қилади.

Маълумот учун, Фазлиддин шу кунгача профессионал рингда 5 та жанг ўтказиб, уларнинг барчасини ўз фойдасига ҳал қилган. Жангларнинг 2 тасида нокаут эвазига рақибларини мағлуб этган. Лопеснинг тажрибаси эса бу борада бироз кўпроқ.

У профессионал рингда 34 та жанг ўтказиб, уларнинг 23 тасида ғалаба қозонган. 15 тасида рақибларини нокаутга учратган. 9 та тўқнашувда эса мағлубиятга учраган. 1 та жангда муддатидан олдин ютқазиб қўйган.