"Наполи" президенти Аурелио Де Лаурентис "Хайдук" клубини сотиб олишга тайёрлигини маълум қилди.
Хорватия клуби охирги йилларда молиявий қийинчилаикларни бошдан кечирмоқда. "Хайдук" ҳозир мухлисларга тегишли.
"Менга имконият беринг ва мен "Хайдук"ни сотиб оламан", - дейди Де Лаурентис.
"Хайдук" - Хорватиянинг энг машҳур клубларидан бири. У 6 карра мамлакат чемпиони ва собиқ Югославияни қўшиб ҳисоблаганда 15 карра чемпион.
69 ёшли кинопродюсер, Filmauro компанияси эгаси ёзда Италия чемпионатининг 4-дивизиони иштирокчиси "Бари" клубини сотиб олган эди.
"У яхшиси яна футболчилар сотиб олса бўларди", - дея бунга муносабат билдирган Неаполь мэри Луижи Де Мажистрис.
