Суперлиганинг 23-тури доирасидаги "Бунёдкор"-"Бухоро" ўйинида кўнгилочар акция ўтказилиши ҳақида хабар бериб ўтган эдик.
Унга кўра стадионга келган томошабинлардан энг омадлилари уйларига 10та телевизор, 10та планшет ҳамда 10та уяли алоқа телефонидан биринг соҳиби бўлиши ҳақида маълумот берилган эди.
Бугун ушбу ўйин танаффус вақтида кўнгилочар акция ўтказилди ва ўйинга ташриф буюрган 4251 томошабиндан 30 нафари ўз уйларига совғалар билан қайтадиган бўлишди.
Қуйида сиз ушбу акция ўтказилиш жараёнида лавҳалар ҳамда ғолибларнинг фотосуратларини кўришингиз мумкин.
Эслатиб ўтамиз, худди шундай акциялар “Бунёдкор”нинг мавсум охиригача бўлган барча уй беллашувларида ҳам албатта ташкил этилади.
