"Реал" бош мураббийи Хулен Лопетеги ЕЧЛ гуруҳ босқичининг 1-турида "Рома"га қарши ўйин олдидан фикр билдирди
"Биз фахр ва жавобгарликни ҳис қиляпмиз, чунки ҳар бир мусобақада "Реал"га катта маъсулият юкланади. Шунингдек, "Реал"га аҳамиятини тушунтириш шарт бўлмаган мусобақа олдидан умидларимиз кўп.
"Рома" ўтган мавсумда "Атлетико"га гуруҳдан чиқишига йўл қўймаган эди, кейин "Барселона"ни чиқариб юборди ва яримфиналга қадар етиб борди. Бу мавсумда "Рома" таркибини кучайтирди, жамоани ҳамон аввалги мураббий бошқармоқда. Ўйлашимча, "Рома" ўтган йилгидан ҳам кучлироқ, бу бизни ўйинни яхшироқ ўтказишимизга чорлайди", - дейди Лопетеги.
