"Эвертон" яримҳимоячиси Тео Уолкот АПЛ доирасида "Арсенал"га қарши ўйин олдидан фикрларини билдирди.

"Агар "Арсенал"даги охирги вақтларимда футболдан безган эдим, десам - алдамаган бўламан. Менда яхши ўйинлар ҳам бўлди, кейин имконият берилмади. "Арсенал"да 100 та гол - бу яхши натижа, аммо кейин бир ярим йиллик қийин давр бошланди. Жуда оғир бўлганди, таркибга тушмасдим, рўйхатдан четда қолардим.

Футболдан яна завқ олишим кераклигини ҳис қилдим. Эллардайс мен билан алоқага чиқди, шунда бошқа клубга ўтиш вақтим келди, деб ўйладим. Мен футболдан яна завқ ола бошладим. Энди юзда табассум билан ўйнаяпман ва футболни сева бошладим", - дейди Уолкот.