Pepsi Суперлига 24 -тур доирасида “Сўғдиёна” Олмалиқда АГМК жамоасига қарши баҳс олиб боради.Эътиборингизга жамоаларнинг Олмалиқдаги бўлиб ўтган учрашувлар тарихини ҳавола этамиз.
Биринчи давра 10-турида “Сўғдиёна” сафарда АГМК га қарши баҳс олиб борди ва ушбу учрашувда ҳисоб очилмаган эди.
Pepsi Суперлига 21-турида жамоамиз ўз майдонида АГМК ни қабул қилди ва 1:3 ҳисобида мағлубиятга учраган эди. Ушбу учрашувда Зохир Пиримов 30-дақиқада,Музаффар Музаффаров 51-дақиқада,65-дақиқада Жасур Ҳасановлар ўз номларига голларни ёзиб қўйишди. 77-дақиқада Роман Абдулов Норхоновни йиқитгани учун пенальти белгиланди. 11 метрли жарима тўпини Никола Милинкович аниқ амалга оширди – 1:3.
ЎЙИНИ ИЛЬГИЗ ТАНТАШЕВ БОШҚАРАДИ
Эртангги ўйинни Ильгиз Танташев бошчилигидаги ҳакамлар бригадаси бошқариб боради. Унга қанотларда Хусниддин Шодмонов ва Александр Буровлар ёрдам беради. Захирадаги ҳакам Рустам Лутфуллин
Назоратчи: Александр Попов
Комиссар: Шерзод Ражабов
ЎЗАРО УСТУНЛИК
АГМК ва “Сўғдиёна” олий лигада 16 бор, Суперлигада эса 2 марта тўқнаш келган. “Сўғдиёна” ҳисобида 6, АГМК ҳисобида 7 та ғалаба мавжуд. 5 та ўйинда дуранг натижа қайд этилган. Тўплар нисбатида устунлик АГМК томонда 33:27. АГМК 26 очко , “Cўғдиёна” 23 очко тўплаган.
АГМК майдонида ўтган барча учрашувлар:
05.05.2018 АГМК – «Сўғдиёна» 0:0
19.08.2017 АГМК – «Сўғдиёна» 2:1
01.10.2016 АГМК – «Сўғдиёна» 0:1
18.06.2015 АГМК – «Сўғдиёна» 3:1
23.03.2014 АГМК – «Сўғдиёна» 4:2
04.07.2013 АГМК – «Сўғдиёна» 4:1
02.04.2011 АГМК – «Сўғдиёна» 2:2
30.10.2009 АГМК – «Сўғдиёна» 3:0
18.06.2008 АГМК – «Сўғдиёна» 3:2
Ўзаро ўйинлар ҳақида факт: Ўзаро ўйинлар ҳақидаги факт: АГМК ўз майдонида 9 та ўйиндан 6 тасида ғалаба қозонган, 2 ўйинда дуранг натижа қайд этилган. “Сўғдиёна” 1 марта ғалаба қозонган.
ЎЙИН ВАҚТИ
Ёшлар лигаси баҳси бугун соат 16:00 да «Металлург» стадионида бўлиб ўтади. Асосий таркиб баҳси 23 сентябрь куни соат 18:00 да «ОКМК» стадионида ўтказилади.
