Суперлиганинг 25-турида “Сўғдиёна” ўз майдонида “Нефтчи” ни қабул қилди ва 3:0 ҳисобида ғалаба қозонди. Ўйиндан сўнг “Сўғдиёна” ҳужумчиси Шохруз Норхонов ўйин борасида ўз фикрлари билан ўртоқлашди.

“Бу ўйинга жиддий тайёргарлик кўрган эдик. Олти очкога тенг ўйин эди. Ғалаба қозонишимиз шарт эди. Шу сабабли илк дақиқалардан фақат хужумга диққатимизни қаратдик. Иккинчи голдан сўнг ўзимизга бўлган ишонч янада ортди ва бор эътиборимизни хужумга қаратишда давом этдик. Бизга ишониб қўллаб-қувватлаган мухлисларга ўз миннатдорчилигимизни изҳор қиламиз”, дейди Норхонов

“Cўғдиёна” ПФК матбуот хизмати