Superliganing 25-turida “So‘g‘diyona” o‘z maydonida “Neftchi” ni qabul qildi va 3:0 hisobida g‘alaba qozondi. O‘yindan so‘ng “So‘g‘diyona” hujumchisi Shoxruz Norxonov o‘yin borasida o‘z fikrlari bilan o‘rtoqlashdi.
“Bu o‘yinga jiddiy tayyorgarlik ko‘rgan edik. Olti ochkoga teng o‘yin edi. G‘alaba qozonishimiz shart edi. Shu sababli ilk daqiqalardan faqat xujumga diqqatimizni qaratdik. Ikkinchi goldan so‘ng o‘zimizga bo‘lgan ishonch yanada ortdi va bor e’tiborimizni xujumga qaratishda davom etdik. Bizga ishonib qo‘llab-quvvatlagan muxlislarga o‘z minnatdorchiligimizni izhor qilamiz”, deydi Norxonov
“So‘g‘diyona” PFK matbuot xizmati
