Ўзбекистон Суперлигаси 25-туридан ўрин олган “Қўқон-1912” ва АГМК учрашуви якунланди. Қўқондаги “Марказий” ўйингоҳида кечган учрашув меҳмонларнинг ғалабаси билан ниҳоясига етди.
Дастлабки дақиқада ҳар икки жамоа биттадан хавфли вазиятга эга бўлишди. 9-дақиқада қўқонликлар жарима тўпи тепиш ҳуқуқига эга бўлишди. Жавоҳир Сидиқовнинг зарбасини меҳмонлар посбони катта қийинчилик билан майдон ташқарисига чиқариб юборди.
Учрашувнинг 41-дақиқасида меҳмонлар ҳисобни очишди. Музаффар Музаффаровнинг узоқдан йўллаган зарбаси дарвозадан ўрин олди. 43-дақиқада олмалиқлар иккинчи тўпни киритишлари мумкин эди.
Учрашувнинг 59-дақиқасида мезбонлар ҳисобни тенглаштириш учун яхши имкониятга эга бўлди. Суҳроб Бердиевнинг зарбаси дарвоза устунига тегиб қайтди. 65-дақиқада Баҳодир Акрамовнинг боши билан берган зарбасини Абдулов қайтарди. 70-дақиқада «Қўқон-1912» ҳисобни тенглаштиришди. Суҳроб Бердиевнинг кучли зарбасидан кейин рақиб дарвозаси ишғол этилди.
Ўйиннинг 87-дақиқасида захирадан майдонга тушган Азамат Исроилов иккинчи бор қўқонликларни ранжитди.
Суперлига 25-тур
“Қўқон-1912” – АГМК – 1:2 (0:1)
Голлар: Суҳроб Бердиев – 70. - Музаффар Музаффаров – 41, Азамат Исроилов – 87.
“Қўқон-1912”: 1. Ўткир Юсупов, 9. Носир Отақўзиев (5. Ғиёс Комилов – 46), 10. Жавоҳир Сидиқов, 15. Ойбек Рустамов, 17. Қувондиқ Рўзиев, 19. Суҳроб Бердиев, 22. Мурод Холмуҳаммедов, 23. Александр Мерзляков, 55. Дарко Говкович (4. Баҳодир Акрамов -62), 65. Марко Милич, 96. Муҳаммаданас Ҳасанов (70. Жасур Ҳакимов – 54).
АГМК: 12. Роман Абдулов, 8. Музаффар Музаффаров, 9. Зафар Полвонов (22. Абдумалик Абдуллаев – 78), 10. Шоҳназар Норбеков (11. Жасур Ҳасанов – 65), 15. Владимир Бубанья, 19. Владислав Касминин, 23. Йован Жокич, 24. Жавлон Гусейнов, 70. Ойбек Қиличев, 71. Жамшид Ҳасанов (6. Азамат Исроилов – 84), 72. Алишер Саматов.
