O‘zbekiston Superligasi 25-turidan o‘rin olgan “Qo‘qon-1912” va AGMK uchrashuvi yakunlandi. Qo‘qondagi “Markaziy” o‘yingohida kechgan uchrashuv mehmonlarning g‘alabasi bilan nihoyasiga yetdi.
Dastlabki daqiqada har ikki jamoa bittadan xavfli vaziyatga ega bo‘lishdi. 9-daqiqada qo‘qonliklar jarima to‘pi tepish huquqiga ega bo‘lishdi. Javohir Sidiqovning zarbasini mehmonlar posboni katta qiyinchilik bilan maydon tashqarisiga chiqarib yubordi.
Uchrashuvning 41-daqiqasida mehmonlar hisobni ochishdi. Muzaffar Muzaffarovning uzoqdan yo‘llagan zarbasi darvozadan o‘rin oldi. 43-daqiqada olmaliqlar ikkinchi to‘pni kiritishlari mumkin edi.
Uchrashuvning 59-daqiqasida mezbonlar hisobni tenglashtirish uchun yaxshi imkoniyatga ega bo‘ldi. Suhrob Berdiyevning zarbasi darvoza ustuniga tegib qaytdi. 65-daqiqada Bahodir Akramovning boshi bilan bergan zarbasini Abdulov qaytardi. 70-daqiqada «Qo‘qon-1912» hisobni tenglashtirishdi. Suhrob Berdiyevning kuchli zarbasidan keyin raqib darvozasi ishg‘ol etildi.
O‘yinning 87-daqiqasida zaxiradan maydonga tushgan Azamat Isroilov ikkinchi bor qo‘qonliklarni ranjitdi.
Superliga 25-tur
“Qo‘qon-1912” – AGMK – 1:2 (0:1)
Gollar: Suhrob Berdiyev – 70. - Muzaffar Muzaffarov – 41, Azamat Isroilov – 87.
“Qo‘qon-1912”: 1. O‘tkir Yusupov, 9. Nosir Otaqo‘ziyev (5. G‘iyos Komilov – 46), 10. Javohir Sidiqov, 15. Oybek Rustamov, 17. Quvondiq Ro‘ziyev, 19. Suhrob Berdiyev, 22. Murod Xolmuhammedov, 23. Aleksandr Merzlyakov, 55. Darko Govkovich (4. Bahodir Akramov -62), 65. Marko Milich, 96. Muhammadanas Hasanov (70. Jasur Hakimov – 54).
AGMK: 12. Roman Abdulov, 8. Muzaffar Muzaffarov, 9. Zafar Polvonov (22. Abdumalik Abdullayev – 78), 10. Shohnazar Norbekov (11. Jasur Hasanov – 65), 15. Vladimir Bubanya, 19. Vladislav Kasminin, 23. Yovan Jokich, 24. Javlon Guseynov, 70. Oybek Qilichev, 71. Jamshid Hasanov (6. Azamat Isroilov – 84), 72. Alisher Samatov.
