“Бавария” мураббийи Нико Ковач Мёнхенгладбахнинг“Боруссия” клубидан учралган йирик мағлубиятга муносабат билдирди.

“Биринчи ўн дақиқада яхши ўйнадик, лекин кейин кўплаб хатоларга йўл қўйдик. Кейин уч марта гол ўтказиб юбордик. Уч зарба – учта гол.

“Боруссия”ни табриклайман. Биринчи бўлимда ўтказиб юборилган голлардан сўнг ўзимизга кела олмадик. Мағлубиятни ҳазм қилиш қийин, лекин бошқа иложимиз йўқ.

Алаба? У билан гаплашдим, унинг мушаклари тортилган. Тиббий текширувдан кейин ҳаммаси ойдинлашади”, – дейди Ковач.