Ўзбекистон футбол ассоциацияси томонидан 5 та ёш тоифасидаги футболчилар ўртасидаги Ўзбекистон чемпионати ўтказилаётгани ҳақида хабар берган эдик. ЎФА майдонида ўтказилаётган мусобақанинг 3-босқич 1-тур ўйинлари бўлиб ўтди..

2004 йилда туғилган футболчилар иштирок этаётган мусобақанинг 1-турида жамоалар қуйидаги натижаларни қайд этишди:

Жиззах – Андижон 2:5
Тошкент вилояти – Навоий 3:0
Хоразм – Сирдарё 1:3
Наманган – Қашқадарё 2:2

Мусобақа ўйинларини бир қатор жамоалардан ташриф буюрган мураббийлар, хусусан Ўзбекистон ўсмирлар терма жамоаси бош мураббийи Азамат Абдураимов кузатиб бормоқда. Мусобақада муваффақиятли иштирок этиб, ўзини ижобий томондан намойиш эта олган футболчиларни ўсмирлар терма жамоасига чақириш режалаштирилган.

Эслатиб ўтамиз, мусобақанинг кейинги босқичлари, 2003 йилда туғилган болалар ўртасида 20-25 октябрь, 2005 йилда туғилган болалар ўртасида эса 5-10 ноябрь кунлари бўлиб ўтади.