Хабарингиз бор, Франциянинг "France Football" нашри 2018 йилги "Олтин тўп" соврини учун даъвогар 30 нафар футболчининг рўйхатини эълон қилди. Нашр футболчиларнинг рўйхатини мухлисларга тақдим қилиб, соврин кимга насиб қилиши ҳақида сўровнома ўтказди.
Мазкур сўровномада 700.000дан ортиқ мухлис иштирок этди. Иштирокчиларнинг деярли ярми (48%) Лионель Мессига овоз берди. Мухлисларнинг 31 фоизи Муҳаммад Салоҳни энг яхши футболчи деб ҳисоблади. Учинчи ўринни эгаллаган Криштиану Роналду ҳисобида эса атиги 8 фоиз овоз тўпланди.
"France Football" ушбу сўровномани ўчириб ташлашга ҳам улгурди.
"Олтин тўп-2018" совринини топшириш маросими шу йилнинг 3 декабрь куни Париж шаҳрида бўлиб ўтади.
