"Челси" бош мураббийи Маурицио Сарри Италия терма жамоасининг ҳозирги вақтдаги учта энг яхши ўйинчиси ҳақидаги саволга жавоб берди.

"Инсинье - айни пайтда италиялик энг яхши ўйинчи. Фаолиятидаги бурилиш нуқтаси унинг ўзига бўлган ишончи туфайли юз берган. У майдонда ҳамма нарса қила оладию У янада ўсиши керак.

Лоренцодан сўнг Федерико Бернардескини қўйган бўлардим, у яқинда дунё даражасидаги ўйинчи бўлиб етишади. Федерико Кьезани учинчи ўринга қўяман. У ҳақиқий истеъдод, зиқна эмас ва фаол. Унда ривожланиш учун ҳамма нарса бор", - дейди Сарри.

Италия термаси бугун, 14 октябрь куни Миллатлар лигаси доирасида Польша меҳмони бўлади.