Агент Лео Д’Соуза одам ўғирлаш сабабидан полицияга ариза берди.

У "Реал" ҳужумчиси Карим Бенземани ҳужум қилишда ва одам ўғирлашда айбламоқда. Агентнинг сўзларига кўра, одам ўғирлашни Бензема ташкиллаштирган.

Ижрочи эса - Бенземанинг ёшликдаги дўсти Смен Табеннеа бўлган. Соузанинг сўзларига кўра, унинг қора микроавтобусга тиқмоқчи бўлганлар, бу воқеада Бенземанинг ҳайдовчиси ва коммуникация бўйича агенти Ямн Агриб ҳам бўлган. Табаннеанинг айтишича, Соуза ерга ўзи йиқилган.

Агентнинг фикрича, одам ўғирлшҳашга уриниш Бенземанинг молиявий қизиқишлари билан боғлиқ. 33 ёшли бразилиялик унинг ишлари билан шуғулланган, жумладан, унинг "Милан"га ўтиши ҳақида музокаралари билан ҳам, шунингдек турли маросимларни ташкиллаштирган.

Соуза Марокашлик ҳомийдан 50 минг евро олиб келиши керак бўлган, аммо бундай қилмаган. Унинг тушунтиришича, пулларни божхона мусодара қилган. Бензема тарафдорлари уни пулни яширганликда айблаган.

"У ростанам жиддийми? Пфф", - деб ёзади Бензема твиттерда ушбу воқеага муносабат билдириб.

Воқеа Парижда "ПСЖ" - "Лион" учрашувидан сўнг бўлган, ўйинда Бензема ҳам бўлган.