1-10 ноябрь кунлари Туркманистон пойтахти Ашхобод шаҳрида оғир атлетика бўйича жаҳон чемпионати бўлиб ўтади. Ушбу мусобақанинг 109 кг вазн тоифасида Олимпия ўйинлари рекордчиси Руслан Нуриддинов иштирок этади. Нуриддинов 2013 йил Польшадаги жаҳон чемпионатида олтин, 2014 йил Олмаотадаги мусобақада эса кумуш медалларини қўлга киритган.
Шунингдек, оғир атлетика бўйича жаҳон чемпионатида Ўзбекистон терма жамоаси номидан қуйидаги спортчилар қатнашади:
Эркаклар
-61 кг – Адҳамжон Эргашев;
-67 кг – Достон Ёқубов;
-73 кг – Муҳаммадқодир Тоштемиров;
-89 кг – Суннатилла Усаров ва Зайнобиддин Маҳамадаминов;
-102 кг – Акбар Жўраев;
+109 кг – Рустам Жангабаев.
Аёллар
-55 кг – Муаттар Набиева;
-64 кг – Кумушхон Файзуллаева;
-76 кг – Турсуной Жабборова;
-87 кг – Далера Давронова.
Қайд этиш лозим, Ашхобод мезбонлигида ўтувчи жаҳон чемпионати янги вазн тоифалари ва ўзгартирилган қоидалар бўйича ўтказиладиган илк мусобақа бўлади. Ушбу қарорлар Халқаро оғир атлетика федерацияси (IWF) томонидан қабул қилинган. Унга кўра, ушбу Жаҳон чемпионатидан бошлаб мусобақалар уч тоифага ажратилади: олтин, кумуш ва бронза.
Яъни аввалги қоидаларга кўра, йирик мусобақалар учун бериладиган рейтинг очколари терма жамоалар ҳисобига ёзилган бўлса, энди ушбу очколар фақат спортчиларнинг ҳисобига ёзилиб борилади.
