Ўзбекистон футбол ассоциацияси юртимизда болалар футболини ривожлантириш мақсадида бир қатор чора-тадбирларни амалга оширишда давом этмоқда. Хусусан, Тошкентнинг “Спартак” клуби билан ҳамкорликда “Ҳамдўстлик кубоги – 2018” мусобақаси ташкил қилинмоқда.

Ушбу мусобақада юртимиз жамоалари билан биргаликда қўшни Қозоғистон, Тожикистон, Россия ва Қирғизистондан ташриф буюрган жамоаларнинг 14 ёшгача бўлган футболчилари иштирок этишади. Мусобақа 1 ноябрдан 7 ноябрь кунига қадар давом этади.

“Спартак”, “Спартак 2”, “Пахтакор”, “Бунёдкор”, “Локомотив” жамоалари юртимиз шарафини ҳимоя қилишса, қўшни республикалардан “Онтустик академияси” (Қозоғистон), БЖМОРСМ №8 (Қозоғистон), “Академия ЮГ” (Қирғизистон), “Илбирс” (Қирғизистон), “Гулистон” (Тожикистон), “Хўжанд” (Тожикистон), ДЮСШКБГО (Россия) жамоалари иштирок этишади.
Қуръа натижаларига кўра жамоалар қуйидаги гуруҳлардан жой олишди:

“А” гуруҳи
“Пахтакор”
“Локомотив”
“Онтустик академияси”
“Академия ЮГ”

“В” гуруҳи
“Бунёдкор”
“Спартак 2”
“Гулистон”
“Илбирс”

“С” гуруҳи
“Спартак”
ДЮСШКБГО
БЖМОРСМ №8
“Хўжанд”