Венгрия пойтахти Будапештда спорт курашлари бўйича жаҳон чемпионати давом этмоқда. Юнон-рум кураши бўйича -63 кг вазнда иштирок этаётган ўзбекистонлик Элмурат Тасмуродов финал йўлланмасини қўлга киритди.
Тасмуродов ярим финалда украиналик Ленур Темировга қарши гиламга чиқиб, ғалабага эришди ва финалга йўл олди. 26 октябрь куни Элмурат финал баҳсида россиялик Степан Марянянга қарши гиламга чиқади.
Маълумот учун: россиялик Степан Марянян ярим финалда мисрлик Ҳассан Аҳмад Муҳаммадни мағлуб этди.
Эслатиб ўтамиз, жаҳон чемпионати мусобақалари 28 октябрга қадар давом этади. Ҳозиргача Ўзбекистон терма жамоаси эркин кураш баҳсларида битта бронза медалини қўлга киритган.













