Vengriya poytaxti Budapeshtda sport kurashlari bo‘yicha jahon chempionati davom etmoqda. Yunon-rum kurashi bo‘yicha -63 kg vaznda ishtirok etayotgan o‘zbekistonlik Elmurat Tasmurodov final yo‘llanmasini qo‘lga kiritdi.
Tasmurodov yarim finalda ukrainalik Lenur Temirovga qarshi gilamga chiqib, g‘alabaga erishdi va finalga yo‘l oldi. 26 oktyabr kuni Elmurat final bahsida rossiyalik Stepan Maryanyanga qarshi gilamga chiqadi.
Ma’lumot uchun: rossiyalik Stepan Maryanyan yarim finalda misrlik Hassan Ahmad Muhammadni mag‘lub etdi.
Eslatib o‘tamiz, jahon chempionati musobaqalari 28 oktyabrga qadar davom etadi. Hozirgacha O‘zbekiston terma jamoasi erkin kurash bahslarida bitta bronza medalini qo‘lga kiritgan.
