Британиянинг Lindsell Train фонди “Ювентус” клубининг иккинчи рақамли акциянерига айланиб олди. Британияликлар ўзларининг акция улушларини 11,298 фоизга етказишди ва фақатгина Аньелли оиласидан кейинги ўринда турибди. Бу ҳақида Calcio e Finanza нашри хабар бермоқда.
2016 йили Lindsell Train фонди “кекса синьора”нинг 5% лик акцияларини сотиб олган эди, босқичма-босқич улар ўзларининг улушини 10% гача етказиб олишди. 2017/18 мавсумда 19 миллион евро миқдоридаги йўқотишга қарамай клуб акциялари нархи таркибга Криштиану Роналдунинг келганидан кейин 27% га ошиб кетди.
“Ювентус” клубининг йирик акциядори бўлиб Аньелли оиласи бўлиб турибди. Унинг ихтиёрида клубнинг 63,77% акция мавжуд.
