Britaniyaning Lindsell Train fondi “Yuventus” klubining ikkinchi raqamli aksiyaneriga aylanib oldi. Britaniyaliklar o‘zlarining aksiya ulushlarini 11,298 foizga yetkazishdi va faqatgina Anyelli oilasidan keyingi o‘rinda turibdi. Bu haqida Calcio e Finanza nashri xabar bermoqda.

2016 yili Lindsell Train fondi “keksa sinyora”ning 5% lik aksiyalarini sotib olgan edi, bosqichma-bosqich ular o‘zlarining ulushini 10% gacha yetkazib olishdi. 2017/18 mavsumda 19 million yevro miqdoridagi yo‘qotishga qaramay klub aksiyalari narxi tarkibga Krishtianu Ronalduning kelganidan keyin 27% ga oshib ketdi.

“Yuventus” klubining yirik aksiyadori bo‘lib Anyelli oilasi bo‘lib turibdi. Uning ixtiyorida klubning 63,77% aksiya mavjud.