Ўзбекистон кубоги финал АГМК ва “Пахтакор” баҳси бўлиб ўтди. Унда АГМК жамоаси ғалаба қозониб илк марта Ўзбекистон кубогига эга чиқди. Ўйиндан сўнг “Пахтакор” бош мураббийи Арвеладзе учрашув ҳақидаги фикрларини билдириб ўтди.
“Финал ўз сценарийсига мос ўтди. Хатолар кечирилмайди. Рақиб кутилганидек ҳимояда яхши ҳаракат қилди. Биз ўз ўйинимизни намойиш этолмадик. АГМКни соврин билан табриклайман.
Бизга бугун ҳиссиётлар етишмади. Уни қайтаришга уринишимиз керак. Майдонда биз берган кучни ўзимизга қайтаришимиз шарт.
Мағлубият бизга чемпионатда ёрдам беради. Хатолардан тўғри хулоса чиқариш лозим”, дейди Арвеладзе.
