Жанубий Корея терма жамоаси ҳимоячиси Чан Хюн Су мамалакат армиясида хизмат қилишдан қочмоқчи бўлгани учун терма жамоадан четлатилди, дея хабар беради Fox Sports Australia.
Футболчи миллий терма жамоада тўп суришдан бир умрга четлатилди, у қалбаки ҳужжат тўғрилмоқчи бўлган ва жаримага тортилган.
Жанубий Корея қонунларига кўра, 18 дан 35 ёшгача бўлган ҳар бир эркак қўшинлар турига қараб армияда 21 ёки 24 ой хизмат қилиши керак. Футболчиларга бир нечта истиснолар мавжуд. Улар 28 ёшгача хизматни ўташлари мумкин. Шунингдек, Олимпиада ва Осиё ўйинларида медаль олсалар армиядан озод қилинадилар. Бундай бўлган тақдирда футболчи фақат 4 ҳафталик ҳарбий йиғинларда қатнашади.
Чан Хюн Сун ўтган ёзда Жанубйи Корея термаси билан ЖЧ-2018да 3 ўйин ўтказди.
