"Челси" ҳужумчиси Альваро Мората ўтган мавсум охирида ҳаётининг қора кунлари ҳақида эслади.
"Ҳар нарсадан жаҳлим чиқадиган даврим бўлди. Ҳатто ёмғир ёғишидан ҳам асабим қўзғар эди. Дарвозага ноаниқ зарба берсам, майдон жуда ҳўллигидан кўрардим. Аммо бу ўзимни оқлаш эди, холос. Ҳар кимнинг ҳаётида қора кунлар бўлади. Биз таниқли инсонлармиз, бошимиздан кўп нарсалар ўтади. Кўпчилик бизни ҳиссиз, муаамосиз инсон деб ўйлашади.
Ҳозир жудаям бахтиёрман, аҳволим яхши. Ўтган мавсумнинг охирги ойларида энг қуйига шўнғигандим. Бундан қуйироғи бўлмайди. Энг тубига етганингдан сўнг, юқорига қайтиш кераклигини англайсан", - дейди Мората.
Мората ушбу мавсумда Англия чемпионатида 10 учрашувда 5 та гол урди.
