“Тоттенхэм” ҳужумчиси Фернандо Льоренте Испанияга қайтиши мумкин.
33 ёшли футболчининг “шпорлар” билан тузган шартномаси 2019 йилгача мўлжалланган. Бироқ, “Атлетик” испаниялик футболчини қишдаёқ қайтаришга тайёр.
27 декабрь куни Бильбаода клуб президентини танлаш учун сайлов ўтказилади. Бу постда саккиз йил давомида ишлаган Хосу Уррутия ўз номзодини қўймади. Янги номзодларнинг асосий мақсадлари эса Льорентени “басклар” ўлкасига қайтариш.
Маълумот учун, Льоренте “Атлетик”да 2005 йилдан бошлаб 2013 йилгача ўйнаган. Шундан сўнг, у “Ювентус”, “Севилья” ва “Суонси” клубларида ўйнашга улгурди.