Ўзбекистон футбол ассоциациясининг 1-вице президенти Умид Аҳмаджоновнинг ташаббуси билан "Реал Мадрид" клуби академияси ва ЎФА ўртасида тузилган келишувга асосан, жорий йилнинг июнь ойида Мадриднинг “Реал” жамоаси мутахассислари Карлос Альберт, Мануэль Агуадо Хил ва Эктор Висентелар “Real Madrid Foundation Clinic” дастури бўйича Ўзбекистонга ташриф буюришган эди.
Йўлга қўйилган ҳамкорлик доирасида “Реал Мадрид” мураббийлари айни пайтда Термиз шаҳрига ташриф буюрдилар. Хавьер Вара ва Эктор Висентелар 12-13 ноябрь кунлари Термиз шаҳрида “Real Madrid Foundation Clinic” дастури бўйича ўзбекистонлик ёш футболчиларга тажриба машғулотларини олиб бормоқдалар.
Куни кеча юртимизга етиб келган ушбу мутахассислар Сурхондарё, Бухоро, Андижон вилоятлари ҳамда Қорақалпоғистон Республикасида ҳам академия фалсафасини шакллантириш бўйича амалий дарс ва машғулотлар ўтказишади.
