Ўзбекистон Профессионал футбол лигаси ташкилоти “Миллий” (собиқ “Бунёдкор”) стадионига кўчиб ўтди. Бу ҳақда ЎзПФЛ маслаҳатчиси Диёр Имомхўжаев маълум қилди.
Унга кўра, 2008 йилда ташкил этилган Профессионал футбол лигаси эндиликда “Миллий” стадионида ўз фаолиятини давом эттиради.
Маълумот учун, “Миллий” эндиликда собиқ “Бунёдкор” стадиони 34 минг томошабинга мўлжалланган бўлиб, у 2012 йил августда фойдаланишга топширилган(қурилиш ишлари 2009 йилда бошланган эди). Стадионнинг очилиши маросими 2012 йил 28 сентябрда бўлиб ўтган.
“Бунёдкор” стадионидаги илк расмий ўйин эса 2013 йил 26 мартда Ўзбекистон ҳамда Ливан терма жамоалари ўртасида бўлиб ўтган.
