Хабар бериб ўтганимиздек, Ўзбекистон олимпия терма жамоаси айни кунларда Бирлашган Араб Амирликларида давом этаётган «Dubai Cup» мусобақасида иштирок этмоқда.
Бунгача вакилларимиз Япония билан 2:2 ҳисобидаги дурангни қайд этган бўлсалар, мезбон БАА терма жамоаси 2:0 ҳисобида таслим этилганди.
Олимпиячиларимиз бугун мусобақа доирасида Қувайт терма жамоасига қарши майдонга тушадилар. Учрашув маҳаллий вақт билан 18:30 да, Тошкент вақти билан 19:30 да бошланади.
Қайд этиш лозимки, мазкур мусобақа орқали мураббийлар штаби терма жамоага номзод футболчиларни кўздан кечириб, жамоа ўзагини шакллантириш ишларини олиб боришади.
